貴為六大馬拉松之一的倫敦馬拉松 (Virgin Money London Marathon) 將於早前上午十時在格林威治公園由英女皇鳴槍起步。成績之外只係一個數字，但佢地喺訓練上有咩唔同呢？
倫敦馬出名快路，賽道紀錄為肯亞選手Kipchoge保持的2’03’05，時間僅比世界紀錄慢8秒，因此每年吸引眾多菁英選手參賽，高手雲集。今年的賽事水平更可能是歷屆之最，罕有地幾位長跑名將同場較量，一決高下，包括於「Breaking 2」跑出2’00’25，倫馬紀錄保持者Eliud Kipchoge；5000m/10000m兩項世界紀錄保持者Kenenisa Bekele；近年田徑賽戰無不勝，以強勁尾速見稱的英國代表Mo Farah；於柏林馬奪亞並跑出史上最快初馬時間2’03’46的 Guye Adola。最後Eliud Kipchoge以2小時04分27秒能笑到白金漢宮，而Mo Farah以2小時06分32秒獲得第三名。到底佢地係training program 上有咩分別呢？
我地先睇下Eliud Kipchoge既program有咩特別(source sweatelite)：
如果你睇咗咁多資料都仲睇緊，證明你真係好鐘意跑步。大部分人都會即時計下佢一星期嘅里數同計下佢跑嘅pacing有幾快，我地試下用另外一個角度去睇不佢既program有咩特別。
以上兩星期既program係佢恆常訓練嘅其中兩星期，Eliud Kipchoge以兩星期為一個cycle 40km長課嗰個星期嘅訓練較強，30km長課嗰個星期嘅訓練較弱。
而佢選擇左每隔一日就跑一次強度課（二、四及六），讓身體有隔開充分嘅休息。
Eliud Kipchoge嘅訓練你睇唔到佢有做fitness。
仲有呢......呢個時候你可能好想試下將佢既training program copy落你自己嘅訓練度（被發現）。千萬唔好咁做，你要諗下你自己既情況同Eliud Kipchoge有咩唔同，水平差別就緊架啦，唔係講依尐呀。
啟示：
(1) 充分嘅練習同長課係必須的。唔好相信坊間話全馬唔需要跑長課。講得出嘅都係同減肥唔洗做運動一樣既概念，eye catching。
(2) Eliud Kipchoge好小做fitness並唔代表體能唔重要，而係佢地跑嘅地面大部分都係soft ground，唔多跑石屎路。因為soft ground對腳嘅力量要求較多，所以長時間跑係soft ground相對跑石屎路腳嘅力量會好一點（順便減少腳對傷害）。
(3) 佢係全職運動員，有充分既時間去訓練及休息，而佢喺營養同recovery work亦做得比較仔細。大家可能喺其他文章都睇過佢地嘅飲食不同之處（例如朱古力奶）。
咁......What can I do?
我地可以係高手到學習佢地嘅訓練概念，但就唔可以直接copy，因為每個人應該有佢自己獨立嘅training program，約時跑長課，幾時跑speed work(interval or fartlek) pacing要幾快，你自己要好清楚。反而我諗你可以review 你自己嘅全年或半年訓練計劃中有沒有充分嘅時間去準備比賽，而每星期或每月嘅訓練是否達到預期目標（訓練量夠唔夠，強度課嘅效果等）。另外你係營養補充，recovery及傷病有否影響到你嘅訓練等。
訓練唔簡只係跑咁簡單，仲有好多野可以學。有興趣可以去 (https://www.facebook.com/SportiHealth/posts/1941245212587564) 一齊研究下。
睇完冠軍既訓練之後，下一集睇下Mo Farah 既訓冠軍練又有咩特別喇，下集見！
photos: London Marathon
簡介:
跑而優則教。參與長跑十多年由學界紀錄保持者，香港代表隊到長跑教練，身分不停的轉變但對長跑的熱誠不變。希望透過網絡將過往學到的跑步知識及經驗向有心人分享。除了希望發放正能量，亦希望大家知道跑步是一件專業及認真的事情。
中學經濟科主任
前香港田徑代表隊（亞洲越野賽/亞洲室內運動會/全國田徑大獎賽/世界大學生運動會等）
本地長跑獎項（渣打馬拉松/香港越野賽錦標賽/香港田徑錦標賽等）
國際田聯Level 2 教練（理論試及實習試獲滿分）
